Slovakiya Xarici İşlər Nazirliyinin (XİN) Avropa İttifaqı işləri üzrə dövlət katibi Marek Estok Azərbaycan xarici işlər naziri Ceyhun Bayramovla görüşüb.

Sizinxeber.az xəbər verir ki, bu barədə dövlət katibi “X” hesabında bildirib.

Dövlət katibi qeyd edib ki, görüş ötən il dekabrda Bratislavada keçirilən ilk fikir mübadiləsindən və konsulluq əməkdaşlığı haqqında Anlaşma Memorandumunun imzalanmasından sonra baş tutub.

“Slovakiya–Azərbaycan Strateji Tərəfdaşlığını və ikitərəfli münasibətləri daha da gücləndirmək istiqamətində ortaq öhdəliyimizi müzakirə etmək imkanını yüksək qiymətləndirdim.

Biz daha yüksək səviyyəli səfərlərin hazırlanması üzərində çalışırıq. Nəqliyyat, biznes, innovativ həllər, enerji, mədəniyyət və təhsil sahələrində əməkdaşlığın genişləndirilməsi üçün bütün imkanlar açıqdır”, - dövlət katibi əlavə edib.

Oxşar xəbərlər

Slovakiya XİN-in dövlət katibi Azərbaycana səfər edib

Azərbaycanla Slovakiya arasında konsulluq məsləhətləşmələri aparılıb

Azərbaycanla Slovakiya arasında ilk konsulluq məsləhətləşmələri aparılıb

Slovakiya Azərbaycanla investisiya sazişinin tezliklə imzalanacağına ümid edir

Ceyhun Bayramov Estoniyanın xarici işlər naziri Marqus Tsaxna ilə görüşüb