ABŞ İranla müharibənin başa çatdırılmasına dair razılaşmalar fonunda "İbrahim sazişləri" iştirakçılarının sayını artırmağı nəzərdə tutur.

"Sizinxeber.az" xəbər verir ki, bu barədə ABŞ Prezidenti Donald Tramp Fransada "Böyük Yeddilik" ("G7") sammitində iştirakının yekunlarına dair mətbuat konfransında bildirib.

Amerika lideri qeyd edib ki, "İbrahim sazişləri"nin genişləndirilməsi əldə olunmuş razılaşmaların gözlənilən nəticələrindən biridir.

Onun sözlərinə görə, Vaşinqton, ilk növbədə, Səudiyyə Ərəbistanını bu sazişlərdə görmək istərdi.

"Düşünürəm ki, əgər Səudiyyə Ərəbistanı digərlərini öz arxasınca aparsa, o zaman özünə böyük yaxşılıq etmiş olar", - Tramp deyib.

O həmçinin qeyd edib ki, bir sıra ərəb dövlətləri artıq "İbrahim sazişləri"nə qoşulub və regional böhranlara baxmayaraq, heç biri oradan çıxmayıb.

Oxşar xəbərlər

Tramp Səudiyyə Ərəbistanı və Qətəri "İbrahim sazişləri"nə qoşulmağa çağırıb

Tramp Yaxın Şərq ölkələrini “İbrahim sazişləri”nə qoşulmağa çağırıb

Tramp: ABŞ İranla münaqişənin nizamlanmasından sonra diqqəti Ukraynaya yönəldə bilər

Tramp Əş-Şaraanı İsraillə münasibətləri normallaşdırmağa çağırıb

Uolts: Azərbaycanın "İbrahim Sazişləri"nə qoşulması geosiyasi mənzərəni dəyişəcək