ABŞ Prezidenti Donald Tramp bildirib ki, Vaşinqton və Tehran arasında əldə olunan razılaşmanın imzalanması yaxın 48 saat ərzində baş tuta bilər.

APA xəbər verir ki, Tramp bunu Fransanın Evian-le-Ben şəhərində keçirilən G7 sammitindən sonra keçirilən mətbuat konfransında deyib

Trampın sözlərinə görə, qarşılıqlı anlaşma memorandumunun mətni artıq yekunlaşdırılıb, lakin imzalanma mərasiminin keçiriləcəyi məkan hələ müəyyən edilməyib.

ABŞ lideri həmçinin qeyd edib ki, Amerika Silahlı Qüvvələri bir müddət də Fars körfəzi regionunda qalmağa davam edəcək.

Tramp əlavə edib ki, İranın ballistik raketlərə malik olmasının tam şəkildə qadağan edilməsi ədalətli yanaşma olmazdı.

“Yaxın Şərqdəki digər ölkələrin də bu cür silahları var. Ona görə də İranın ballistik raketlərə sahib olmasını tamamilə qadağan etmək düzgün olmaz”, – deyə ABŞ Prezidenti vurğulayıb.

Oxşar xəbərlər

Tramp: İranla yekun saziş 60 gün ərzində əldə olunmasa, zərbələr bərpa ediləcək

Tramp: ABŞ və İran müharibənin başa çatdırılması ilə bağlı razılığa gəlib, sənəd həftəsonu Avropada imzalana bilər

Tramp: ABŞ və İran müharibənin başa çatdırılması ilə bağlı razılığa gəlib

Tramp: İran və ABŞ arasında saziş iyunun 18-19-da imzalana bilər

Fars: İran ABŞ-la razılaşmanın heç bir mətnini hələ təsdiqləməyib