Uşaqlara qarşı zorakılıq və risklər, müdafiə tədbirləri gücləndirilir.

"Sizinxeber.az" xəbər verir ki, bunu Daxili işlər nazirinin müavini, general-leytenant İsmət Əliyev, "Azərbaycanda yeniyetmələrin hüquq düşüncəsi" adlı tədqiqat hesabatının və "Uşaqlar və Hüquq" kitabının təqdimat mərasimində deyib.

O bildirilib ki, müasir dövrdə uşaqlara qarşı fiziki, psixoloji və mənəvi zorakılıq, baxımsızlıq, erkən nikah, eləcə də kiberməkanda və yol hərəkəti sahəsində mövcud risklər ciddi təhlükə yaradır:

"Bu baxımdan risk altında olan uşaqların vaxtında müəyyən edilməsi, onların müdafiəyə götürülməsi, hüquqlarının bərpası və aidiyyəti dövlət qurumları ilə koordinasiyalı işin təşkili istiqamətində davamlı tədbirlər həyata keçirilir" deyə İ. Əliyev qeyd edib.

Nazir müavini qeyd edib ki, uşaq yalnız ailənin deyil, bütövlükdə cəmiyyətin və dövlətin gələcəyidir:

"Uşaqların hüquq və sosial məsələləri dövlətin gələcəyi, cəmiyyətin mənəvi sağlamlığı və hüquq-mühafizə sisteminin humanist mahiyyətini əks etdirən mühüm amillərdən biridir. Buna görə də dövlətin gələcək inkişafı bu gün uşaqlara göstərilən münasibətdən, onların təhlükəsizliyinin, hüquqlarının və sağlam inkişafının təmin olunmasından birbaşa asılıdır. Uşaqların hüquqlarının müdafiəsi ölkəmizdə dövlət siyasətinin prioritet istiqamətlərindən biri kimi müəyyən edilmişdir. Bu sahədə Azərbaycan Respublikasının Konstitusiyası, "Uşaq hüquqları haqqında" qanun və ölkəmizin qoşulduğu beynəlxalq sənədlər, o cümlədən Birləşmiş Millətlər Təşkilatının Uşaq Hüquqları Konvensiyası mühüm hüquqi baza formalaşdırır" -deyə o, qeyd edib".

Oxşar xəbərlər

Nazir müavini: Uşaqlar üçün virtual məkan ciddi risk mühitinə çevrilib

Bahar Muradova: Uşaqların təhlükəsizliyinin təmin olunmasına bütün qurumlar cəlb edilməlidir

Emin Əmrullayev: Uşaqların sosial mediadan istifadəsinin tənzimlənməsi vacibdir

Ötən il Azərbaycanda 18 yaşına çatmış 478 yeniyetmə cinayət məsuliyyətinə cəlb edilib

Emin Əmrullayev: Süni intellektdən yanlış istifadə uşaqların kütləşməsinə gətirib çıxarır