Fransa Prezidenti Emmanuel Makron İsrailin bu gün Livana endirdiyi hava zərbələrini pisləyib və bunu atəşkəsin pozulması kimi qiymətləndirib.

APA xəbər verir ki, Makron Beyruta edilən hücumların qəbuledilməz olduğunu vurğulayaraq İsrailin bu addımının heç bir əsası olmadığını bildirib.

Makron İsrailin zərbələrinə haqq qazandıran heç bir fəaliyyətin olmadığını və hücumları müzakirə etmək üçün ABŞ Prezidenti Donald Tramp və İsrailin Baş naziri Benyamin Netanyahuya zəng edəcəyini vurğulayıb.

“Livan və İsrailin razılaşdığı çərçivə bu gün İsrail tərəfindən birtərəfli qaydada pozulub. İsrailin bu gün Livana zərbələrinin heç bir əsası yoxdur. Yaxın 48 saat ərzində İsrailin Baş naziri ilə danışacağam”, - Makron əlavə edib.

Parisdə səfərdə olan Livan Prezidenti Cozef Aun isə Makronla görüşü zamanı İsrailin Beyruta hava hücumlarını pisləyib və bunu atəşkəs razılaşmasının İsrail tərəfindən pozulmasının davamı kimi qiymətləndirib.

Qeyd edək ki, "Reuters" agentliyinin məlumatına görə, İsrailin hərbi hava qüvvələri bu gün Livan paytaxtının cənub ətraflarına zərbələr endirib.

Oxşar xəbərlər

Makron Livana gedib

İsrailin Livana endirdiyi zərbələr nəticəsində ölənlərin sayı 10-a çatıb

Livan İsrailin endirdiyi zərbələrlə bağlı BMT-yə şikayət edib

İsrailin Livana endirdiyi zərbələr nəticəsində 25 nəfər ölüb

İsrailin Livana zərbələır endirdiyi bir həftə ərzində 240 min insan Suriyaya qaçıb