Tailand Kralı Maha Vajiralongkornun böyük qızı şahzadə Phatçara Kitiyapha 48 yaşında krallığın paytaxtı Banqkokdakı xəstəxanada vəfat edib.

"Sizinxeber.az" xəbər verir ki, bu barədə kral sarayı bürosunun rəsmi bəyanatında deyilir.

"Tibbi heyətin ciddi və diqqətli qulluğuna baxmayaraq, onun sağlamlıq vəziyyəti durmadan pisləşməyə davam edib və cümə axşamı, 11 iyun 2026-cı il tarixində saat 19:48-də (Bakı vaxtı ilə 16:48-də - red.) Tailand Qırmızı Xaç Cəmiyyətinin tabeliyində olan Kral Çulalongkorn adına Memorial Xəstəxanada 47 yaşında dünyasını dəyişib", - bəyanatda qeyd olunub.

Məlumata görə, şahzadə 15 dekabr 2022-ci il tarixindən etibarən ürək xəstəliyi səbəbindən tibb müəssisəsində "huşsuz vəziyyətdə olub".

Kral sarayı bürosu hələ may ayında ictimaiyyətə xəbərdarlıq etmişdi ki, həkimlərin bütün səylərinə baxmayaraq, həyati vacib orqanlara təsir edən və nəzarətə alınması mümkün olmayan infeksiya fonunda şahzadənin səhhəti pisləşib.

Şahzadə Kitiyapha 2022-ci ilin dekabrında məşq zamanı huşunu itirib və ürək xəstəliyi səbəbindən xəstəxanaya yerləşdirilib, daha sonra isə Banqkokdakı Kral Çulalongkorn adına Memorial Xəstəxanaya köçürülüb.

Oxşar xəbərlər

Səudiyyə şahzadəsi 20 il komada qaldıqdan sonra ölüb - FOTO

Səudiyyə Ərəbistanının kral ailəsinin üzvü 20 ildən çox komada qaldıqdan sonra vəfat edib

Lüksemburq şahzadəsi 22 yaşında vəfat edib

Tailand Kamboca ilə sərhəddə mübahisəli zirvəni nəzarətə götürüb

Tailand Kralı Azərbaycan Prezidentini təbrik edib