ABŞ hakimiyyəti dünya çempionatında iştirak etmək üçün Konqo futbolçularının ölkəyə girişinə icazə verib.

"Report" xəbər verir ki, bu barədə AFP məlumat yayıb.

Ebola virusu epidemiyası ilə bağlı narahatlıqlara görə komandanın hazırlıq prosesi pozulmuşdu, ABŞ-yə yola düşməzdən əvvəl oyunçular və məşqçilər heyəti üçün 21 günlük karantin tətbiq edilmişdi. Konqolular artıq Hyustona (Texas ştatı, ABŞ) eniblər.

Konqo yığması dünya çempionatında K qrupunda Portuqaliya, Özbəkistan və Kolumbiya komandaları ilə çıxış edəcək. İyunun 17-də Konqo yığması Hyustonda portuqaliyalılarla, iyunun 24-də Meksikanın Sapopan şəhərində kolumbiyalılarla qarşılaşacaq, Özbəkistan komandası ilə görüş isə iyunun 28-də Atlantada (Corciya ştatı, ABŞ) keçiriləcək.

Daha əvvəl məlum olmuşdu ki, ölkədə ebola qızdırmasına laboratoriya tərəfindən təsdiqlənmiş yoluxma hallarının sayı 676-ya çatıb, onlardan 136 xəstə dünyasını dəyişib.

Oxşar xəbərlər

Konqo Ebola ilə əlaqədar yoxlamadan sonra futbol üzrə dünya çempionatına buraxılıb

Konqoda Ebola virusundan ölənlərin sayı 86-ya çatıb

Konqoda ebola virusundan ölənlərin sayı 100-ü keçib

Konqo DR-nin futbol millisi 2026-cı ilin dünya çempionatından kənarlaşdırıla bilər

Konqo DR-nin futbol millisi dünya çempionatından kənarlaşdırıla bilər