Yaxın Şərqdə vəziyyətin yenidən gərginləşməsinə görə ABŞ məsul daşıyır.

"Report" "Al Jazeera"ya istinadən xəbər verir ki, bu barədə İran Xarici İşlər Nazirliyinin rəsmisi İsmayıl Bəqai bu gün keçirilən mətbuat konfransında bildirib.

Onun sözlərinə görə, İsrailin regiondakı hərəkətlərini ABŞ-nin hərəkətlərindən ayrılıqda nəzərdən keçirmək olmaz.

O əlavə edib ki, İranla ABŞ arasında danışıqlar davam edir, tərəflər vasitəçilərin dəstəyi ilə mesaj mübadiləsi aparır.

Bəqai həmçinin Atom Enerjisi üzrə Beynəlxalq Agentliyin (AEBA) baş direktoru Rafael Qrossini İrana qarşı qərəzli münasibətdə ittiham edib.

"Baş direktor (AEBA-nın - red.) qəsdən İran və onun nüvə məsələsi ilə bağlı qərəzli münasibət nümayiş etdirir", - İran XİN-in nümayəndəsi qeyd edib.

Bu açıqlama İsrailin iyunun 8-nə keçən gecə Tehran, Təbriz və İsfahana, eləcə də Beyrutun (Livan) cənub ətraflarına raket zərbələri endirməsindən sonra verilib. Nəticədə ən azı iki nəfər həlak olub, 20 nəfər yaralanıb.

Oxşar xəbərlər

İran XİN AEBA-nin baş direktorunu İsrailin hücumunu pisləməyə çağırıb

İran XİN: AEBA nümayəndə heyəti İrana səfər edəcək

AEBA-nın Baş direktoru bu həftə İrana gedəcək

XİN rəsmisi: AEBA baş direktorunun müavininin Tehrana səfəri planlaşdırılıb

İsmayıl Bəqai ABŞ-nin əsassız tələbləri barədə açıqlama verib