İran Hörmüz boğazında kommersiya gəmiçiliyini bir ay ərzində müharibədən əvvəlki səviyyəyə bərpa edəcəyini vəd edir.

"Report"un "Reuters" agentliyinə istinadən verdiyi xəbərə görə, bu barədə İranın dövlət televiziyası məlumat verib.

Məlumata görə, Tehran ABŞ ilə qeyri-rəsmi çərçivə anlaşma memorandumunun layihəsini alıb.

Sənədə əsasən, Vaşinqton qoşunlarını İranın yaxınlığındakı bölgələrdən çıxarmalı və hərbi-dəniz blokadasını aradan qaldırmalıdır.

Hörmüz boğazından gəmiçiliyin idarə edilməsi İran tərəfindən Omanla əməkdaşlıq çərçivəsində həyata keçiriləcək. Sənəd hərbi gəmilərə şamil edilmir.

İran tərəfi öhdəliklərin yerinə yetirilməsinin "real yoxlanışı" olmadan heç bir addım atmayacağını vurğulayıb.

Sənəd hələlik qəti şəkildə təsdiq edilməyib. Əgər 60 gün ərzində razılaşma əldə olunarsa, o, BMT Təhlükəsizlik Şurasının məcburi qətnaməsi şəklində təsbit oluna bilər.

Memorandum ABŞ ilə İran arasında fevralda alovlanan münaqişədən sonra başlayan dolayı danışıqların nəticəsi olub. Mövcud məlumatlara görə, danışıqlarda vasitəçi rolunu Pakistan oynayır.

Oxşar xəbərlər

İran dövlət televiziyası ABŞ-la mümkün anlaşmanın ilkin detallarını açıqlayıb

CENTCOM: Hörmüz boğazında 80-dən çox ticarət gəmisi saxlanılıb

İran Hörmüz boğazından keçid üçün idarəetmə mexanizmi hazırlayıb

İran Hörmüz boğazında yeni nəzarət sərhədlərini müəyyənləşdirib

İran Hörmüz boğazında region ölkələri ilə birgə hərbi təlimdə iştirak edəcək