ABŞ Kubanın sabiq prezidenti Raul Kastroya qarşı ittiham irəli sürüb.

Reutersin yaydığı məlumata görə, bu barədə Tramp administrasiyasının yüksəkvəzifəli nümayəndəsi məlumat verib.

Məlumata görə, bu addım Vaşinqtonun Kubanın kommunist hökumətinə təzyiq siyasətinin gücləndirilməsi kimi qiymətləndirilir. ABŞ Prezidenti Donald Trump Kubada rejim dəyişikliyinə çağırış edib.

94 yaşlı Raul Kastro 2008-ci ildə qardaşı Fidel Kastronun səhhətində yaranan problemlərdən sonra prezident vəzifəsini icra etməyə başlayıb. O, 2018-ci ildə prezident postundan getsə də, Kuba siyasətində təsirli fiqur olaraq qalır.

Havana ittihamla bağlı hələlik birbaşa şərh verməyib. Kubanın xarici işlər naziri Bruno Rodriquez Parrilla isə mayın 15-də ABŞ-ın embarqo, sanksiya və təhdidlərinə baxmayaraq ölkənin suveren inkişaf yolunu davam etdirdiyini bildirib.

Oxşar xəbərlər

KİV: ABŞ Raul Kastronun saxlanılması əməliyyatını nəzərdən keçirir

Kubanın XİN başçısı: ABŞ ilə danışıqlarda irəliləyiş yoxdur

Kubanın XİN rəhbəri ABŞ-ni neft təchizatçılarına təzyiq göstərməkdə təqsirləndirib

Kuba XİN ABŞ-nin sanksiyalarla bağlı son qərarını cinayət adlandırıb

"NBC News": Tramp Kubanın Vaşinqtonun təzyiqinə boyun əyməməsindən əsəbiləşib