İtki və Zərərə Cavab Fondu iqlim dəyişikliyinin nəticələrini aradan qaldırmaqda ölkələrə kömək etmək üçün əsas vasitə olacaq.

"Report" xəbər verir ki, bunu BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) müəyyən olunmuş prezidenti, ekologiya və təbii sərvətlər naziri Muxtar Babayev İtki və Zərərə Cavab Fondunun İdarə Heyətinin üçüncü iclasında çıxışı zamanı deyib.

O qeyd edib ki, COP29-da Paris Sazişinin bütün istiqamətləri üzrə irəliləyiş əldə etməyə çalışılacaq:

“Bu prosesdə isə iqlim maliyyəsi əsas yer tutacaq. Bunu edərkən biz əvvəlki COP-ların uğurlarına əsaslanacağıq və BƏƏ Konsensusunun nəticələrinin həyata keçirilməsinə kömək edəcəyik".

M.Babayev vurğulayıb ki, bu hadisələrin həm də ciddi iqtisadi xərcləri var:

"Bu ayın əvvəlində Ümumdünya Meteorologiya Təşkilatı qeyd edib ki, Afrika ölkələri iqlim dəyişikliyi səbəbindən ÜDM-lərinin 5 %-ə qədərini itirirlər. İnkişaf etməkdə olan kiçik ada dövlətləri isə təbii fəlakətlərdən orta hesabla ÜDM-lərinin 2,1 %-ni itirirlər. Bu insanlar üçün iqlim böhranı ekzistensialdır. Bizim bu ölkələrə dəstək olmaq mənəvi borcumuzdur, çünki onlar iqlim dəyişikliyinin ön cəbhəsində dayanaraq həm insan, həm də iqtisadi itkilərlə üzləşirlər".

Oxşar xəbərlər

Muxtar Babayev: İtki və Zərərə cavab verən Fondu tam işə salmaq lazımdır

Muxtar Babayev: COP 29-un əsas hədəfi Paris Razılaşmasının bütün müddəaları üzrə iqlim dəyişikliyi ilə effektiv mübarizə aparılması yollarını müəyyənləşdirməkdir

Muxtar Babayev: COP 29-un əsas hədəfi Paris Razılaşmasının bütün müddəaları üzrə iqlim dəyişikliyi ilə effektiv mübarizənin yollarını müəyyənləşdirməkdir

Muxtar Babayev: "Azərbaycan qalıq yanacaqdan əldə olunan gəlirləri davamlı inkişaf üçün istifadə edir"

Muxtar Babayev Avstraliyanın energetika naziri ilə COP29-da iqlim maliyyələşdirilməsini müzakirə edib