Ukrayna ordusunun Voronejə zərbəsi nəticəsində üç nəfər yaralanıb.

APA xəbər verir ki, bu barədə Voronej vilayətinin qubernatoru Aleksandr Qusev bildirib.

Onun sözlərinə görə, şəhər üzərində bir neçə “yüksəksürətli hava hədəfi” məhv edilib, müəssisələrdən biri isə zərər görüb.

***

13:18

Ukrayna ordusu Rusiyanın Voronej şəhərinə raket zərbəsi endirib, güclü yanğın başlayıb.

Bu barədə “RBK-Ukraine” sosial şəbəkələrdəki video materiallara əsaslanaraq məlumat yayıb.

İlkin məlumatlara görə, şəhərə bir neçə “Storm Shadow” qanadlı raketinin düşdüyü bildirilir.

Ukraynanın “Exilenova” resursunun məlumatına əsasən, hücumun hədəfi bir sıra ölkələrin sanksiya siyahısında yer alan Voronej Yarımkeçirici Cihazlar Zavodu ola bilər.

Hadisə ilə bağlı rəsmi qurumlar hələlik məlumat yaymayıb.

Hücumun nəticələri və hədəfin dəqiq müəyyənləşdirilməsi ilə bağlı məlumatlar dəqiqləşdirilir.

Oxşar xəbərlər

Ukrayna ordusunun Kursk vilayətinin Rılsk şəhərinə raket hücumu nəticəsində 6 nəfər ölüb - VİDEO - YENİLƏNİB

Ukrayna ordusu Kursk vilayətinin Rılsk şəhərinə raket hücumu edib, azı 10 nəfər yaralanıb - VİDEO

Rusiya Ukraynaya kütləvi raket zərbəsi endirib

Rusiya PUA istehsal edən Ukrayna müəssisələrinə raket zərbəsi endirib

Rusiya qüvvələri Kiyevdə F-16 pilotlarının təlim keçdiyi obyektlərə raket zərbəsi endirib