Dünya məlumatlar, insanlar və bizneslər vasitəsilə getdikcə daha çox bir-biri ilə əlaqələnir.

Sizinxeber.az xəbər verir ki, bu barədə BMT-nin Məskunlaşma Proqramının (UN-Habitat) icraçı direktoru Anaklaudia Rossbax WUF13 cərcivəsində təşkil olunan "Şəhərlər bağlantılılığın mərkəzində: Şəhər yenidənqurması və regional əməkdaşlıq" xüsusi sessiya zamanı bildirib.

Onun sözlərinə görə, bütün regionlar yeni transformativ texnologiyalar, alternativ şəbəkələr və infrastruktur vasitəsilə yenidən formalaşır.

"Buna baxmayaraq, təxminən 2,8 milyard insan təhlükəsiz və adekvat mənzilə çıxışdan məhrumdur. Daha milyonlarla insan münaqişə və aclıq səbəbindən didərgin düşüb. Hazırda dünya heç vaxt olmadığı qədər əlaqəlidir. Amma eyni zamanda, çox vaxt lazım olduğundan daha qeyri-bərabərdir", - Anaklaudia Rossbax qeyd edib

O əlavə edib ki, inklüzivlik, daha geniş sosial-iqtisadi ehtiyaclar və daha əhatəli sosial-iqtisadi baxış olmadan əlaqəlilik — qeyri-bərabərlik yaradan zəif maliyyələşdirilmiş infrastrukturlara çevrilir.

"Multimodal dəhlizlər malların və insanların daha səmərəli daşınmasını təmin edir. Onlar bütöv regionların iqtisadi coğrafiyasını yenidən formalaşdırır", - Anaklaudia Rossbax vurğulayıb

Oxşar xəbərlər

UN-Habitat: Bu gün bir çox şəhərlərdə dağıdıcı daşqınlar, torpaq sürüşmələri və yanğınlar baş verir

BMT-nin Məskunlaşma Proqramının icraçı direktoru Prezident İlham Əliyevlə görüşündən paylaşım edib

UN-Habitat: Bu gün bir çox şəhərlərdə dağıdıcı daşqınlar, torpaq sürüşmələri baş verir

Anaklaudia Rossbax: Azərbaycan WUF13-ün keçirilməsi üçün müstəsna işlər görüb

BMT-Habitatın icraçı direktoru: Növbəti 20 il ərzində dünya əhalisi daha 2.4 mlrd. artacaq