Rusiya Ermənistanla istənilən səviyyədə qarşılıqlı fəaliyyəti alqışlayır, eyni zamanda, Kollektiv Təhlükəsizlik Müqaviləsi Təşkilatı (KTMT) çərçivəsində münasibətləri dərinləşdirmək və normallaşdırmaq istərdi.

“Sizinxeber.az” xəbər verir ki, bunu "Şərq-Qərb qarşıdurması. Ukrayna ölçüsü. Gələcək ssenarilər" adlı elmi konfransda Rusiya XİN-in xüsusi tapşırıqlar üzrə səfiri Rodion Miroşnik bildirib.

"Rusiya və Ermənistan arasında inkişaf edən iqtisadi layihələri alqışlayırıq, ona görə də biz tərəfdən qapılar açıqdır", - o qeyd edib.

Ermənistanın Aİ-yə mümkün üzvlüyünə toxunan R.Miroşnik vurğulayıb ki, bu addımın onların maraqlarına uyğunluğunu və ölkənin üzvlük perspektivlərinin nə dərəcədə real olduğunu ölkə vətəndaşları qiymətləndirməlidir.

"Rusiya həmişə vurğulayıb: biz dövlətlərin, o cümlədən Ermənistanın daxili işlərinə qarışmaq niyyətində deyilik. Bu müstəqil qərardır, lakin digər ölkələrin bir sıra oxşar hərəkətlərinə diqqət yetirin. Ukrayna çoxdan öz konstitusiyasına Avropa İttifaqına və NATO-ya can atmağı daxil edib. Bu prosesdə nə qədər irəliləyib?", - o vurğulayıb.

Oxşar xəbərlər

Rusiya KTMT çərçivəsində Ermənistanla münasibətlərin dərinləşməsini istəyir

Rusiya Ermənistanın KTMT-dəki fəaliyyətini dondurmasını davam etdirməsindən təəssüflənir

RF XİN: Moskva Ermənistanla KTMT çərçivəsində əməkdaşlığın bərpasına ümid edir

Rusiya XİN: İsveçrə neytral statusunu itirib

Putin və Paşinyan Ermənistanın KTMT-dəki fəaliyyətini müzakirə etməyiblər