Rusiya prezidentinin köməkçisi Yuri Uşakov və xarici işlər naziri Sergey Lavrovun Ər-Riyadda ABŞ nümayəndə heyəti ilə görüşünün gündəliyi ikitərəfli münasibətlər kompleksinin bərpasına, həmçinin Ukrayna nizamlanması üzrə mümkün danışıqlara hazırlığa həsr olunub.

“Sizinxeber.az” Rusiya KİV-ə istinadən xəbər verir ki, bu barədə prezidentin mətbuat katibi Dmitri Peskov jurnalistlərə bildirib.

"Bu gün prezident Putinin tapşırığı ilə xarici işlər naziri Sergey Lavrov və prezidentin köməkçisi Yuri Uşakov Ər-Riyada gedir. Sabah Ər-Riyadda onlar ABŞ nümayəndə heyəti ilə görüş keçirəcəklər. Görüş ilk növbədə Rusiya-ABŞ münasibətlərinin bərpasına həsr olunacaq", - o qeyd edib.

Peskovun sözlərinə görə, görüşdə, həmçinin Ukrayna nizamlanması üzrə mümkün danışıqlara hazırlıq və iki prezidentin görüşünün təşkili müzakirə ediləcək.

Daha əvvəl ABŞ-nin dövlət katibi Marko Rubionun Rusiya tərəfi ilə danışıqlar aparmaq üçün Səudiyyə Ərəbistanına gəldiyi barədə məlumat verilib.

Oxşar xəbərlər

KİV: ABŞ və Rusiyanın Ukrayna üzrə danışıqları fevralın 18-də Ər-Riyadda keçiriləcək

Putinin Moskvada HƏMAS nümayəndə heyəti ilə görüşü planlaşdırılmır

Putin Moskvada Paşinyanla danışıqlar aparacaq

Sergey Lavrov Səudiyyə Ərəbistanına səfər edib

Putin BRICS çərçivəsində bir sıra dövlətlərin liderləri və BMT Baş katibi ilə görüşəcək