Qazaxıstan Prezidenti Kasım-Jomart Tokayev Orta Dəhlizə Avropa ilə Mərkəzi Asiya arasında formalaşan iqtisadi əlaqə sisteminin əsası kimi baxmağa çağırıb.

"Sizinxeber.az"un məlumatına görə, Qazaxıstan Prezidenti bunu Brüsselə səfəri ərəfəsində "Euronews" üçün yazdığı məqalədə qeyd edib.

Onun sözlərinə görə, Qazaxıstan Avropa ilə Asiya arasında Orta Dəhlizi Avropa İttifaqının (Aİ) "Global Gateway" təşəbbüsünə uyğun olaraq inkişaf etdirir:

"Bununla yanaşı, marşruta yalnız yüklərin sürətli daşınması üçün nəqliyyat arteriyası kimi baxılmamalıdır. Orta Dəhlizi Avropa bazarlarını və iqtisadi mərkəzlərini Mərkəzi Asiyanın resursları, inkişaf edən sənaye bazası və logistik potensialı ilə birləşdirən formalaşan sistemin əsası kimi başa düşmək daha doğru olardı".

Qazaxıstan Prezidenti bildirib ki, əsl qarşılıqlı əlaqəlilik bazarların inteqrasiyasına kömək edir, investisiyaları stimullaşdırır, sahibkarlığı dəstəkləyir və cəmiyyətləri yaxınlaşdırır.

K.Tokayevin fikrincə, nəqliyyat marşrutları tarixi İpək Yolu kimi həmişə strateji arteriyalar olub, coğrafi üstünlüklərdən istifadə isə iqtisadi artım və məhsuldarlığın inkişafı üçün yeni imkanlar yaratmağa şərait yaradır.

Xatırladaq ki, Kasım-Jomart Tokayev iyunun 22-23-də Avropa İttifaqı Şurasının Prezidenti Antonio Koştanın dəvəti ilə Brüsselə rəsmi səfər edəcək.

Oxşar xəbərlər

Tokayev: Orta Dəhliz Avropaya ən qısa və ən etibarlı marşrutdur

Tokayev: "TBNM-nin Avropa TEN-T ilə inteqrasiyası məsələsində Almaniyanın köməyinə ümid edirik"

Tokayev: TDT-nin strateji məqsədi Orta Dəhlizi Şərq və Qərb arasında nəqliyyat körpüsünə çevirməkdir

Rumen Radev: "Sofiya və Astana Orta Dəhlizi gücləndirməyə kömək edəcək bir sıra sənədlər imzalayacaq"

Tokayev: “Qazaxıstan, Azərbaycan və Özbəkistan "yaşıl enerji” sahəsində irimiqyaslı layihə üzərində işləyir”