Rusiya Prezidenti Vladimir Putin Kazanda keçiriləcək BRICS sammiti çərçivəsində Hindistanın Baş naziri Narendra Modi, Çin Sədri Si Cinpin, Türkiyə Prezidenti Rəcəb Tayyib Ərdoğan, Fələstin Prezidenti Mahmud Abbas və BMT-nin Baş katibi Antoniu Quterrişlə görüşlər keçirmək niyyətindədir.

“Report” TASS-a istinadən xəbər verir ki, bu barədə jurnalistlərə Rusiya prezidentinin köməkçisi Yuri Uşakov məlumat verib.

Onun sözlərinə görə, danışıqlara oktyabrın 22-də Yeni İnkişaf Bankının prezidenti Dilma Russeff ilə görüşlə start veriləcək, ardından Modi, daha sonra isə Cənubi Afrika Prezidenti Siril Ramafosa ilə görüş olacaq. Bundan əlavə, Si Cinpin, eləcə də Misir Prezidenti Əbdülfəttah əs-Sisi ilə danışıqların aparılması da planlaşdırılır.

“İkinci gün də bir sıra işgüzar görüşlər olacaq. Dar və geniş tərkibdə keçiriləcək görüşlərdən sonra prezidentimiz İran Prezidenti Məsud Pezeşkian ilə danışıqlar keçirəcək, ardından Türkiyə Prezidenti Rəcəb Tayyib Ərdoğan ilə görüş baş tutacaq, daha sonra isə Efiopiyanın Baş naziri Abiy Əhməd Əli ilə görüş planlaşdırılır”, - Uşakov bildirib.

Sammitin üçüncü günündə Putin Abbas, Laos Prezidenti Thonqlun Sisulit, Mavritaniya Prezidenti Məhəmməd uld Qəzvani və Boliviya Prezidenti Luis Arse ilə görüşməyi planlaşdırır. Ardından Quterriş və Vyetnamın Baş naziri Fam Min Çin ilə görüş keçiriləcək.

Uşakov əlavə edib ki, Putin özü BRICS sammitinə gələcək bütün dövlət liderləri ilə görüşmək arzusunu ifadə edib.

Oxşar xəbərlər

Pezeşkian BRICS sammitində Rusiya və Çin liderləri ilə görüşməyi planlaşdırır [xfgiven_updateblue][/xfgiven_updateblue]

Ərdoğan Kazanda keçiriləcək BRİCS sammitində iştirak dəvətini qəbul edib [xfgiven_updateblue][/xfgiven_updateblue]

Si Cinpin Kazanda keçiriləcək BRİCS sammitində iştirak edəcək [xfgiven_updateblue][/xfgiven_updateblue]

Putin Mahmud Abbası BRICS sammitində iştiraka dəvət edib [xfgiven_updateblue][/xfgiven_updateblue]

Rusiya Prezidenti oktyabrın 11-də Türkmənistana səfər edəcək [xfgiven_updateblue][/xfgiven_updateblue]