Fevralın 18-də Səudiyyə Ərəbistanının paytaxtı Ər-Riyadda Amerika və Rusiya rəsmilərinin iştirakı ilə Ukrayna münaqişəsi üzrə danışıqların keçirilməsi planlaşdırılır.

“Sizinxeber.az" xəbər verir ki, bu barədə “Kommersant” qəzeti məlumat yayıb.

Qeyd olunub ki, görüşdə Amerika tərəfindən dövlət katibi Marko Rubio, ABŞ-nin milli təhlükəsizlik üzrə müşaviri Mayk Uolts və Yaxın Şərq üzrə xüsusi elçi Stiv Vitkoffun olacağı gözlənilir.

Rusiya nümayəndə heyətinin tərkibi barədə dəqiq məlumat yoxdur. Lakin bundan əvvəl Rusiyanın xarici işlər naziri Sergey Lavrovun krallığa səfəri üçün hazırlıqların getdiyi bildirilib.

Xatırladaq ki, fevralın 15-də “Bloomberg” mənbələrə istinadən məlumat yayıb ki, yaxın həftələrdə Ər-Riyadda Rusiya və ABŞ prezidentləri Vladimir Putin və Donald Tramp arasında görüş keçirilə bilər.

Qeyd edək ki, bu gün Ukrayna Prezidenti Vladimir Zelenskinin Birləşmiş Ərəb Əmirliklərinə səfəri başlayıb. O, özünün “telegram” kanalında bildirib ki, səfərinin məqsədi həm əsirlikdə olan vətəndaşlarının vətənə qaytarılması, həm investisiyalar, həm də iqtisadi tərəfdaşlıqdır.

Oxşar xəbərlər

KİV: Vitkoff və Uolts Səudiyyə Ərəbistanında Rusiya ilə danışıqlarda ABŞ-ı təmsil edəcəklər

Lavrov Rubio ilə telefon danışığı aparıb

ABŞ Ukrayna üzrə planın hazırlanmasını yaxın vaxtlarda başa çatdıra bilər

ABŞ-nin xüsusi nümayəndəsi fevralın 20-də Kiyevə səfər edə bilər

Trampın müşaviri: “Putinlə görüşə hazırlıq gedir”