ABŞ-nin nüvə obyektlərinə zərbə endirməsindən sonra İranda uranın zənginləşdirilməsi hələ həyata keçirilməyib, lakin Tehran bunu milli qürur məsələsi hesab edərək bu prosesdən əl çəkmək niyyətində deyil.

“Report” xəbər verir ki, bu mövqeyi İranın xarici işlər naziri Abbas Əraqçi deyib.

O, Fox News kanalına müsahibəsində bildirib: “Hazırda o, dayandırılıb, çünki ciddi ziyan dəyib. Eyni zamanda, təbii ki, biz zənginləşmədən əl çəkmək fikrində deyilik, çünki bu, alimlərimizin nailiyyətidir, üstəlik, indi bu, milli qürur məsələsidir”.

Nazir əlavə edib ki, hazırda İranın Atom Enerjisi Təşkilatı nüvə obyektlərinə dəyən zərərin həcmini və zənginləşdirilmiş uran ehtiyatlarının vəziyyətini qiymətləndirir.

Oxşar xəbərlər

BAEA rəhbəri İranın nüvə obyektlərinə baş çəkib

İran uranın zənginləşdirilməsi həcmlərini məhdudlaşdıra bilər

İran XİN başçısı: Uranın zənginləşdirilməsi prinsipi ABŞ ilə müzakirə mövzusu deyil

KİV: İran obyektlərinə zərbələr onun nüvə proqramı üzərində nəzarəti çətinləşdirəcək