İran ABŞ ilə uranın zənginləşdirilməsi məsələsini Tehran üçün məqbul şərtlərlə müzakirə etməyə hazırdır.

“Report” SNN telekanalına istinadən xəbər verir ki, bunu İranın xarici işlər naziri Abbas Əraqçi mətbuat konfransında bildirib.

Onun sözlərinə görə, bu, Vaşinqtonun İranın nüvə proqramının tam ləğv edilməsində israr etməyi dayandıracağı halda mümkündür.

"Əgər amerikalılar konstruktiv mövqe tutsalar, mümkün sövdələşmə ilə bağlı danışıqlara başlaya bilərik. İranın uranı zənginləşdirməsi real məsələdir və biz bəzi narahatlıqlara baxmayaraq, Tehranın nüvə proqramına etimadın gücləndirilməsi üzərində işləməyə hazırıq. Lakin zənginləşdirmə prinsipi müzakirə mövzusu deyil", - nazir qeyd edib.

İran və ABŞ arasında nüvə problemi ilə bağlı danışıqların birinci raundu aprelin 12-də Omanda keçirilib. Danışıqların ikinci raundu isə aprelin 19-da elə bu ölkədə baş tutacaq.

Oxşar xəbərlər

Stiven Uitkoff: Yeni saziş İranın uranın zənginləşdirilməsi proqramının ləğvi demək olacaq

KİV: ABŞ danışıqlarda İranı uranın zənginləşdirilməsini dayandırmağa çağırmayıb

ABŞ-İran danışıqlarının ikinci raundu aprelin 19-da keçiriləcək

İran nüvə danışıqlarını müzakirə etmək üçün ABŞ-yə şərt qoyub

İran uranın zənginləşdirilməsi üçün yeni sentrifuqaları istifadəyə verib