Norveç dövləti vətəndaşlıq almaq üçün tələbləri sərtləşdirməyi nəzərdən keçirir.

"Report"un məlumatına görə, bu barədə Norveçin Əmək və Sosial İnklüzivlik Nazirliyi xəbər yayıb.

Məlumata görə, "Vətəndaşlıq haqqında" qanunda bir sıra dəyişikliklər edilə bilər.

Buraya vətəndaşlıq almaq istəyənlər üçün yaşayış müddəti tələbinin üç ildən yeddi ilə qədər artırılması, eləcə də vətəndaşlığı olmayan şəxslər üçün Norveç dili biliyi tələblərinin sərtləşdirilməsi daxildir.

Bundan başqa Norveçdə anadan olmuş və ya uşaq ikən ölkəyə gəlmiş vətəndaşlığı olmayan şəxslərdən dövlət ərazisində ən azı beş il yaşamaq tələb olunacaq, yerli sakinlə evli olan və ya birlikdə yaşayan ərizəçilər üçün də yaşama müddəti uzadılacaq.

Vətəndaşlığı olmayan şəxslər üçün Norveç dilində şifahi bilik tələbinin A2 səviyyəsindən B1 səviyyəsinə (18-67 yaş arası şəxslər üçün) qaldırılacağı müəyyən edilib. Eyni zamanda, vətəndaşlıq almaq prosedurlarının, xüsusən də müxtəlif qruplar üçün yaşayış müddəti tələblərinin sadələşdirilməsi təklif olunur, lakin ümumilikdə qaydaların sadələşdirilməsi də zəruridir.

Oxşar xəbərlər

Azərbaycanda uşağın vətəndaşlıq və ad almaq hüququ dəyişdirilir

Ukrayna Miqrasiya Xidmətinin rəhbəri: Ölkəmizin lehinə döyüşən əcnəbilər üçün vətəndaşlıq almaq proseduru asanlaşır

DMX: Ötən ay əcnəbi və vətəndaşlığı olmayan şəxslər Azərbaycanda yaşamaq üçün altı mindən çox müraciət ediblər

DMX 5 ildir Azərbaycanda olan əcnəbilər və vətəndaşlığı olmayan şəxslərə müraciət edib

Ukraynada çoxsaylı vətəndaşlığa icazə verilib