Dövlət Turizm Agentliyi yanında Azərbaycan Turizm Bürosu (ATB) İspaniyanın Barselona şəhərində keçirilmiş "WiT Phocuswright Middle East" tədbirində iştirak edib.

"Sizinxeber.az" bu barədə agentliyə istinadən xəbər verir.

Məlumata görə, qlobal turizm sənayesinin aparıcı nümayəndələrini və innovasiya liderlərini bir araya gətirən tədbirdə sektorun inkişaf tendensiyaları, bazar dinamikası və gələcək perspektivləri müzakirə olunub.

Tədbir çərçivəsində Büronun İdarə Heyətinin sədri Florian Zenqstşmid panel müzakirələrində iştirak edərək qlobal turizm təcrübələri, Azərbaycanın turizm destinasiyası kimi mövqeyi və ölkədə turizmin inkişaf istiqamətləri ilə bağlı fikirlərini bölüşüb.

Müzakirələr zamanı destinasiyaların mövqeləndirilməsi, regional turizm dinamikası, məlumat əsaslı qərarvermə yanaşmaları və turizmin inkişafında sosioloji amillərin rolu kimi mövzular ətrafında fikir mübadiləsi aparılıb.

"WiT Phocuswright Middle East" turizm sənayesinin gələcəyi və Yaxın Şərq regionunun qlobal turizm ekosistemində rolu ilə bağlı müzakirələr üçün aparıcı beynəlxalq platformalardan biri hesab olunur.

Oxşar xəbərlər

Azərbaycanın dayanıqlı turizm təcrübələri beynəlxalq sammitdə təqdim olunub

Azərbaycanın turizm imkanları Pakistanda nümayiş etdirilib

Azərbaycan və Səudiyyə Ərəbistanı arasında turizm əlaqələri müzakirə olunub

Azərbaycanın lüks turizm potensialı Rusiyada təbliğ olunub

BMT Turizmin Avropa Regional Komissiyası turizm sektorunda iqlim tədbirlərinin sürətləndirilməsini tövsiyə edib