Fransa dondurulmuş Rusiya aktivlərindən əldə edilən gəliri Parisin Kiyevə verdiyi “Caesar” özüyeriyən haubitsalarına xidmət etmək üçün istifadə edəcək.

“Sizinxeber.az” xəbər verir ki, bu barədə Fransa xarici işlər naziri Jan-Noel Barro Lvova səfəri zamanı deyib.

“Biz tezliklə elan edəcəyik ki, dondurulmuş aktivlərdən əldə edilən gəlirin istifadəsi sayəsində Fransa öz müəssisəsi (Fransa-Almaniya müdafiə konserni - Qeyd) vasitəsilə Ukraynaya verilən “Caesar” silahlarına texniki xidmət göstərə biləcək ”, - deyə o əlavə edib.

Söhbət Avropa Birliyi və “G7” ölkələri tərəfindən Ukraynaya hərbi müdaxiləsindən sonra dondurulmuş təxminən 300 milyard avro dəyərində olan Rusiyanın aktivlərindən gedir. Bu, Rusiyanın valyuta ehtiyatlarının demək olar ki, yarısıdır.

Ümumilikdə Fransa Ukraynaya 140-a yaxın “Caesar” haubitsasını təhvil verib. Onlar bir dəqiqədən az müddətdə yüksək dəqiqliklə 40 km-ə qədər məsafəyə malik altı mərmi atırlar.

Oxşar xəbərlər

Avropa ölkələri Rusiyanın dondurulmuş aktivlərini öz aralarında böləcək

Aİ Rusiyanın dondurulmuş aktivlərindən Ukraynaya 35 milyard avro kredit ayıracaq

Aİ Rusiyanın dondurulmuş aktivlərindən əldə edilən gəlirlərdən Ukraynaya 1 milyard avro köçürüb

Aİ Ukraynaya 18 milyard avro kredit vermək niyyətindədir

Fransa Ukraynaya 150 PUA və altı "Caesar" haubitsası göndərməyi planlaşdırır