Dünyada dövlət mülkiyyətində olan xeyli torpaq hələ də yetərincə istifadə olunmamış qalır.

"Report" xəbər verir ki, bunu ABŞ-nin Linkoln Torpaq Siyasəti İnstitutunun baş proqram rəhbəri Enrike Silva Bakıda Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Dövlət əmlakının idarə edilməsi: Şəhər inkişafında torpaq resurslarına əsaslanan strategiya" adlı tədbirdə deyib.

Onun sözlərinə görə, bu torpaqlar dövlətin prioritetlərindən kənarda saxlanılır və ya strateji resurs kimi deyil, sadəcə inzibati aktivlər kimi idarə olunur:

"Dövlət torpağı inklüziv inkişaf üçün strateji infrastruktur rolunu oynayır. İnstitut son bir neçə ayda "PLACE" (Bütün İcmalar və Ətraf Mühit üçün Dövlət Torpağı - Public Land for All Communities and the Environment)) adlı kampaniyaya başlayıb. Məqsəd dövlət torpaqlarının rolunu artırmaq, hökumətləri və icmaları dövlət torpaqlarında gizli qalan ictimai dəyəri üzə çıxarmaq üçün zəruri alətlər, biliklər, tədqiqatlar və praktiki dəstəklə təmin etməkdir". "PLACE" təşəbbüsünün mərkəzi tezislərindən biri odur ki, dövlət torpaqlarına hökumət aktivlərinin passiv inventarı kimi baxılmamalıdır. Eyni zamanda, bir neçə ictimai rifahı inkişaf etdirməyə qadir olan strateji infrastruktur kimi yanaşılmalıdır. Braziliya artıq bu ideyanı mənimsəyib".

Oxşar xəbərlər

Read Qasımov: "WUF13 Azərbaycanın şəhər inkişafına innovativ yanaşmalara bağlılığını əks etdirir"

Braziliyalı nümayəndə:  Mənzil əlçatanlığını genişləndirmək üçün müxtəlif qanunlar qəbul etmişik

UN-Habitat: Yeni strateji planda əsas diqqət mənzil, torpaq və baza xidmətlərinə yönəldiləcək

Anaklaudia Rossbax: "Dünyada bir milyard insanın suya çıxış problemi qalmaqdadır"

Muxtar Babayev: "Ərzağa artan tələbat su və torpaq resurslarına təzyiqi gücləndirir"