İsrail ABŞ-nin ardınca BMT-nin İnsan Hüquqları Şurasında iştirakını dayandırmaq niyyətini bəyan edib.

"Sizinxeber.az" xəbər verir ki, bu barədə İsrailin xarici işlər naziri Gideon Saar bəyanatla çıxış edib.

"Trampın BMT-nin İnsan Hüquqları Şurasında iştirak etməmək qərarını alqışlayırıq. İsrail ABŞ-yə qoşulur və Şurada iştirakını dayandırır", - Saar bildirib.

Onun sözlərinə görə, BMT-nin İnsan Hüquqları Şurası demokratik dövlətə (İsrailə - red.) hücumlar və antisemitizmin yayılması üzərində cəmləşib.

"İnsan Hüquqları Şurasında İsrailə qarşı 100-dən çox qətnamə qəbul edilib, Bu, Şuranın qəbul etdiyi bütün qətnamələrin 20 %-dən çoxunu təşkil edir və İran, Kuba, Şimali Koreya və Venesuelaya qarşı qəbul edilən qətnamələrdən sayca çoxdur", - nazir vurğulayıb.

Saar həmçinin əlavə edib ki, İsrail artıq bu ayrı-seçkiliyə dözməyəcək.

Qeyd edək ki, ABŞ Prezidenti Donald Tramp ölkəsinin BMT-nin İnsan Haqları Şurasından (UNHRC) çıxarılması və BMT-nin Fələstinli Qaçqınlara Yardım Agentliyinin (UNRWA) maliyyələşdirilməsini dayandırması barədə sərəncam imzalayıb.

Oxşar xəbərlər

İsrail BMT-nin İnsan Hüquqları Şurasından çıxdığını açıqlayıb

ABŞ BMT-nin İnsan Hüquqları Şurasından çıxıb

Tramp ABŞ-ni BMT-nin İnsan Haqları Şurasından çıxarır

Naxçıvanın Ombudsmanı: İqlim dəyişmələri ciddi insan hüquqları problemidir

QAİ rəsmisi BMT-nin İnsan Hüquqları Şurasının 57-ci sessiyasında iştirak edir