Danimarka hökuməti parlament partiyalarının təmsilçilərindən ibarət Xarici İşlər Şurasını Ukraynaya 23-cü hərbi yardım paketi barədə məlumatlandırıb.

“Report” TASS-a istinadən xəbər verir ki, bu barədə krallığın Müdafiə Nazirliyi məlumat yayıb.

"Ukraynanın hava hücumundan müdafiə (HHM) imkanlarının və döyüş aviasiyasının gücləndirilməsinə 2,1 milyard kron (293 milyon dollar) yönəldiləcək”, - məlumatda bildirilib.

Ukrayna HHM Danimarkanın beynəlxalq tərəfdaşlarının köməyi ilə gücləndiriləcək.

Bundan başqa, yardım paketində Ukrayna “F-16” qırıcılarının istismarı üçün vəsait nəzərdə tutulub. Həmçinin Danimarka İsveçlə əməkdaşlıq çərçivəsində bir neçə CV90 piyada döyüş maşını verəcək.

2022-ci ilin fevralından Danimarkanın Ukraynaya hərbi yardımı təxminən 7,2 milyard avro, mülki yardımı isə 693 milyon avroya yaxın təşkil edib.

Oxşar xəbərlər

Danimarka Ukraynaya energetika sisteminin bərpası üçün 16 milyon avro ayırıb

Cənubi Koreya Ukraynaya 2,3 milyard dollar maliyyə yardımı ayıracaq

ABŞ Ukraynaya 425 milyon dollar dəyərində silah paketi ayırıb

Norveç Ukraynaya 118,4 milyon dollarlıq yardım ayırıb

Pentaqon Ukrayna üçün 1,7 milyard dollarlıq iki silah paketi elan edib