İsrail Müdafiə Qüvvələri Qəzza zolağının cənubunda həyata keçirilən əməliyyat zamanı “İslami Cihad” təşkilatının “Xan Yunis” briqadasının “Nuxba” xüsusi dəstəsinin komandirini və HAMAS-ın xüsusi təyinatlı bölməsinin üzvünü zərərsizləşdirdiyini bildirib.

APA xəbər verir ki, bu barədə ordunun mətbuat xidməti məlumat yayıb.

Məlumata görə, əməliyyat nəticəsində “İslami Cihad”ın “Nuxba” bölməsinin komandiri Zəki Yusif Mahmud Əbu Mustafa öldürülüb. Digər zərbə zamanı isə HAMAS-ın yeni üzvlərin cəlb edilməsi ilə məşğul olan xüsusi təyinatlısı Məhəmməd Usama Əbdüləziz məhv edilib.

Qeyd olunub ki, Zəki Yusif Mahmud Əbu Mustafa 2023-cü il oktyabrın 7-də Nir-Oz kibutsuna hücumda və israilli vətəndaşın girov götürülməsində iştirak edib.

Oxşar xəbərlər

İsrail ordusu Qəzzada məktəbdə HAMAS və İslami Cihad komandirlərinin məhv edildiyini açıqlayıb

İsrail ordusu “İslami Cihad”ın səhra komandirini məhv edib

İsrail Qəzzada HAMAS-ın üç komandirini zərərsizləşdirib

İsrail ordusu "İslami Cihad" komandirini zərərsizləşdirib

İsrail ordusu "İslami Cihad"ın əməliyyat qərargahının rəhbərini zərərsizləşdirib