Azərbaycan və Ermənistan arasında sülh prosesi son illərdə regiondakı ən mühüm hadisəyə çevrilib.

"Report" xəbər verir ki, bunu Almaniyanın Azərbaycandakı səfiri Ralf Horlemann azərbaycanlı jurnalistlərə diplomatik missiyasının başa çatması ilə bağlı keçirilən görüşdə bildirib.

Horlemannın sözlərinə görə, münaqişənin nizamlanması və ardınca Bakı və İrəvan arasında sülh sazişinin hazırlanması prosesinə başlanması tərəflərin mühüm nailiyyətidir.

"Bu, həqiqətən də böyük irəliləyiş və mühüm nailiyyətdir", - səfir deyib.

O vurğulayıb ki, sülh prosesinin dəstəklənməsi onun Azərbaycandakı diplomatik missiyası dövründə əsas prioritetləri sırasında olub:

"Davamlı sülhün əldə olunması təkcə Azərbaycan və Ermənistanın deyil, bütövlükdə bütün regionun maraqlarına cavab verir, Asiya və Avropa arasında iqtisadi əməkdaşlığın genişləndirilməsi və ticarət əlaqələrinin inkişafı üçün əlavə imkanlar açır".

Oxşar xəbərlər

Paşinyan: Azərbaycanla sülh Ermənistan üçün iqtisadi inkişafın yeni mərhələsini açır

Tokayev: Bakı ilə İrəvan arasında imzalanmış sülh razılaşması tarixi əhəmiyyətli nailiyyətdir

Paşinyan: İrəvanla Bakı arasında sülh sazişi regionun digər ölkələri üçün faydalıdır

Xorvatiya Bakı və İrəvan arasındakı sülh təşəbbüslərini dəstəkləməyə hazırdır - EKSKLÜZİV

ABŞ kəşfiyyatı: Bakı və İrəvan arasında sülh prosesi Qafqazda sabitliyi artırıb