Böyük Britaniyanın Baş naziri Kir Starmer iyunun 22-də, bazar ertəsi günü tutduğu vəzifədən gedəcəyi tarixi açıqlamağı planlaşdırır.

"Report" xəbər verir ki, bu barədə "The Guardian" qəzeti məlumat yayıb.

"Mövcud məlumatlara görə, bazar ertəsi səhər Starmer vəzifədən getmə qrafikini təqdim edəcək. Belə bir addım Endi Bernemin payız dövrünə qədər partiyada liderlik uğrunda Starmerlə birbaşa mübarizəyə girməyə ehtiyac qalmadan baş nazir kürsüsünə yolunu açacaq", - deyə nəşr bildirir.

Qəzet mənbələrə istinadən qeyd edib ki, Britaniya Nazirlər Kabinetinin nümayəndələri Starmerin öz vəzifəsini könüllü olaraq tərk etməyə hazır olduğunu təsdiqləyiblər.

"The Guardian" vurğulayıb ki, baş nazir əvvəlcə Bernemin onu Leyboristlər Partiyasının və hökumətin rəhbərliyindən uzaqlaşdırmaq səylərinə qarşı çıxmaq niyyətində idi. Buna baxmayaraq, kabinetin 10-dan çox üzvü məxfi söhbətlər zamanı Starmerə vəzifəsini tərk etməsinin zəruri olduğunu başa salıb. Nəticədə hökumət başçısı istirahət günlərini səlahiyyətlərinin mərhələli şəkildə təhvil verilməsi planının hazırlanmasına həsr edib.

Oxşar xəbərlər

Kir Starmer növbəti parlament seçkilərində leyboristlərə rəhbərlik etmək niyyətindədir

Starmer yaxın zamanda postunu tərk edə bilər

Starmer: Yaxın illərdə Baş nazir vəzifəsindən ayrılmaq niyyətində deyiləm

"The Guardian": Britaniyanın Aİ-yə vahid mal bazarı yaratmaq təklifi rədd edilib

Starmer istefa çağırışlarını rədd edib