Hörmüz boğazından təhlükəsiz keçid yalnız İranın müəyyən etdiyi marşrutlar üzrə mümkündür.

Bu barədə “Tasnim” İran İslam İnqilabı Keşikçiləri Korpusunun (SEPAH) Hərbi Dəniz Qüvvələrinə istinadən məlumat yayıb.

Bəyanatda qeyd olunub ki, bəzi qurumlar İranla razılaşdırmadan və koordinasiya aparmadan boğazda gəmilərin hərəkəti üçün yeni marşrut elan ediblər.

SEPAH vurğulayıb ki, Hörmüz boğazından keçid üçün yeganə rəsmi marşrutlar İranın elan etdiyi marşrutlardır.

“Hörmüz boğazından keçid üçün yeganə icazəli marşrutlar İran İslam Respublikası tərəfindən müəyyən edilmiş marşrutlardır. Bu marşrutlardan kənarda hərəkət son dərəcə təhlükəlidir və qadağandır. Bütün gəmi heyətlərinə xəbərdarlıq edirik ki, elan olunmuş marşrutlardan kənara çıxmasınlar”, – bəyanatda vurğulanıb.

SEPAH həmçinin bildirib ki, Hörmüz boğazından keçmək istəyən bütün gəmilər Kanal 16 vasitəsilə İran Hərbi Dəniz Qüvvələri ilə əlaqələndirmə aparmalıdır.

“Hörmüz boğazından keçid zamanı SEPAH Hərbi Dəniz Qüvvələri ilə Kanal 16 üzərindən koordinasiya məcburidir. Tələbləri pozan gəmilərlə bağlı tədbir görüləcək”, – bəyanatda deyilir.

Oxşar xəbərlər

SEPAH son sutkada 26 gəminin Hörmüz boğazından keçdiyini bildirib

SEPAH: Son sutkada Hörmüz boğazından daha 15 gəmi keçib

SEPAH generalı Suriyada öldürülüb

SEPAH: Hörmüz boğazı bağlanıb

SEPAH bütün gəmiləri Hörmüz boğazından İranın marşrutu ilə keçməyə çağırıb