Beynəlxalq Kosmik Stansiyasının (BKS) heyət üzvləri - amerikalı astronavtlar Kristofer Uilyams və Cessika Meir iyunun 30-da "Canadarm2" manipulyatorunun qolunu təmir etmək üçün açıq kosmosa çıxacaqlar.

"Sizinxeber.az"un məlumatına görə, bu barədə ABŞ-nin Aeronavtika və Kosmik Fəzanın Tədqiqi üzrə Milli İdarəsi (NASA) xəbər verib.

Astronavtlar may ayının sonlarında nasazlıqlar aşkar etdikləri üçün Uilyams və Meir robot qolun biləyindəki "oynağ"ı dəyişdirməli olacaqlar. Bu, Uilyamsın kosmosa ikinci, Meirin isə beşinci kosmosa çıxışı olacaq.

"Canadarm2" BKS-in ABŞ seqmentində Kanadanın robotlaşdırılmış sistemidir. Yeddi oynaqlı qolun uzunluğu 17,6 metr, çəkisi isə təxminən 1 800 kq-dır. Sistem 116 000 kq-a qədər ağırlığında olan obyektləri idarə edə bilir.

"Canadarm2"nin missiyalarına pilotsuz yük gəmilərini tutmaq, yerləşdirmək, yük və avadanlıq daşımaq, stansiyanı yoxlamaq və kosmosa çıxışlar zamanı BKS heyətinə kömək etmək daxildir.

Oxşar xəbərlər

Milyarder NASA-nın rəhbəri olacaq

Saməddin Əsədov: "Kosmosa çıxışda gözlənilən artım tibb mövzularını daha da aktuallaşdırır"

NASA: Astronavtlar Aya maksimum dərəcədə yaxınlaşıblar

Hindistan kosmosa humanoid robot göndərməyi planlaşdırır

“SpaceX” Türkiyənin “Baykar” şirkətinin ilk peykini kosmosa buraxıb