Təhlillər göstərir ki, ixtisas qrupları üzrə qəbul planı ilə ərizələrin sayı arasında qeyri-tarazlıq var.

APA xəbər verir ki, bu, Dövlət İmtahan Mərkəzinin "Abituriyent" jurnalının 12-ci nömrəsində dərc etdiyi 2025/2026-cı tədris ili üçün tələbə qəbulu və ümumi təhsil müəssisələri üzrə buraxılış imtahanları nəticələrinə dair elmi-statistik materiallarında yer alıb.

Bildirilib ki, V qrupda ərizələrin sayı həddindən artıq yüksək olduğu halda, I, II, III və IV qruplarda qəbul planının nisbi çəkisi daha böyükdür.

Qeyd edilib ki, ümumi qəbul planının V ixtisas qrupu üçün ayrılmış hissəsi ərizələrin müvafiq ixtisas qrupuna düşən hissəsindən kiçik, I və III ixtisas qruplarında, əksinə, böyük, II və IV ixtisas qruplarında isə, demək olar ki, eynidir: “Abituriyentlər xüsusi qabiliyyət tələb edən ixtisaslara qəbul olmaq üçün öncə V qrupa ərizə verməli və qabiliyyət imtahanı vermək üçün müvafiq komissiyalar üzrə qeydiyyatdan keçməlidirlər. Bu cür ərizə verən abituriyentlərin sayı çox olsa da, faktiki olaraq, qabiliyyət imtahanı vermək üçün qeydiyyatdan keçən və imtahanda iştirak edən abituriyentlərin sayı ərizə verənlərdən az olub”.

Oxşar xəbərlər

Ali məktəblərin boş qalan plan yerlərinə bu gündən ixtisas seçiminə başlanılır

Ali təhsil müəssisələrinə qəbul imtahanında iştirak üçün qeydiyyat bu gün başa çatır

Bu gündən Azərbaycanda ali məktəblərə ixtisas seçimi başlayıb

Universitetlərə qəbul üçün ixtisas seçiminin vaxtı məlum olub

Kolleclərə ixtisas seçimi bu gün başa çatır