Avropa Şurası Parlament Assambleyası özü özünü tamamilə dəyərsizləşdirib.

APA-nın yerli bürosu xəbər verir ki, bunu Gürcüstanın Baş naziri İrakli Kobaxidze jurnalistlərə açıqlamasında deyib.

Onun sözlərinə görə, AŞPA-nın qətnamələri ədalətsizdir və Gürcüstan cəmiyyəti artıq onlara reaksiya vermir.

“Qətnamələrdə yer alan məsələlər tamamilə absurddur. Gürcüstan aparıcı demokratik ölkədir. Bu reallıqdır, qətnamədə yerdə qalan digər məqamlar isə heç kimə maraqlı deyil”, - Kobaxidze əlavə edib.

Qeyd edək ki, AŞPA yay plenar sessiyası çərçivəsində Gürcüstanla bağlı hesabatı nəzərdən keçirəcək. Sənəd əsasında hazırlanmış qətnamə layihəsində bildirilib ki, Gürcüstanda demokratik geriləmə, vətəndaş cəmiyyətinə və siyasi müxalifətə təzyiq davam edir.

Oxşar xəbərlər

Kobaxidze: AŞPA-da Gürcüstanla bağlı müzakirələr bizim üçün maraqlı deyil

AŞPA-nın yaz sessiyasında Gürcüstandakı vəziyyətlə bağlı debat keçiriləcək

Kobaxidze: Avropa Parlamentinin qətnaməsi bizim üçün tamamilə dəyərsizdir

Kobaxidze Aİ-ni Gürcüstanı şantajda ittiham edib

Kobaxidze: Gürcüstan ATƏT-in tövsiyələrini nəzərə almayacaq