Vipha qasırğası Honkonqda 26 nəfərin yaralanmasına səbəb olub

Vipha qasırğası Çinin Honkonq şəhərində 26 nəfərin xəsarət almasına və bir sıra maddi dağıntılara səbəb olub.

Sizinxeber.az xəbər verir ki, qasırğa Honkonqda 471 ağacın aşmasına səbəb olaraq Çinin digər şəhərlərinə doğru hərəkət edir.

Honkonqdan keçərkən 3 saat ərzində 110 millimetr yağışın yağmasına gətirib çıxaran qasırğa zamanı küləyin sürəti saatda 167 kilometrə çatıb.

Qasırğa bundan başqa ölkədə 400 reysin əlverişsiz hava şəraiti səbəbilə gecikməsinə və 80 min sərnişinin bundan əziyyət çəkməsinə gətirib çıxarıb.