“Yaqi” superqasırğası Vyetnamın şimalında 14 nəfərin ölümünə, 180-dən çox insanın yaralanmasına səbəb olub.

APA-nın xəbərinə görə, bu barədə Vyetnam Təbii fəlakətlərə reaksiya və axtarış-xilasetmə işləri üzrə Milli Komitəsi məlumat yayıb.

Qasırğa daha çox paytaxt Hanoya, liman şəhərləri Kamfa, Monqkay, Xayfon və Xalonqa, o cümlədən yaxınlıqdakı Txaybin, Xoabin və Xınqyen əyalətlərinə zərər vurub. 400-dən çox elektrik xətti, 27 yarımstansiyaya ciddi zərər dəyib, 121 min hektardan çox əkin sahəsi su altında qalıb. Sahil rayonlarında 38 gəmi və balıqçı gəmisi batıb.

Qeyd edək ki, “Yaqi” qasırğası sentyabrın 4-də Çinin cənub sərhədinə çatıb, daha sonra Vyetnam istiqamətində hərəkət edib. Qasırğanın mərkəzində küləyin sürəti saniyədə 50 metrə çatıb.

Oxşar xəbərlər

Qasırğa Yaponiyada ciddi fəsadlar törədib, 3 nəfər ölüb

Çində Yagi tayfunu azı 2 nəfərin həyatına son qoyub

“Debbi” qasırğası Kubada fəsadlara yol açıb, Meksika körfəzini vuracaq

FHN-in Muğan Regional Mərkəzi təlim keçirib

Nəqliyyat qəzalarında xilasetmə əməliyyatları ilə bağlı təlim keçirilib