ABŞ Prezidenti Donald Tramp Vaşinqton və Tehran arasında müharibənin dayandırılması ilə bağlı razılıq əldə olunduğunu açıqlayıb.

Sizinxeber.az xəbər verir ki, Tramp bu barədə Ağ Evdə jurnalistlərin suallarını cavablandırarkən bildirib.

“Biz indicə İranla müharibənin başa çatdırılması ilə bağlı çox yaxşı razılaşmalar əldə etdik”, - deyə ABŞ prezidenti vurğulayıb.

Onun sözlərinə görə, tərəflər hazırda sənədləşmə prosesini yekunlaşdırırlar.

“Sənədlərin rəsmiləşdirilməsini başa çatdıracağıq. Bu, bir neçə gün ərzində həyata keçirilməlidir”, - deyə Tramp qeyd edib.

ABŞ lideri əlavə edib ki, əldə olunmuş razılaşmaların imzalanması artıq bu həftəsonu baş tuta bilər.

“Razılaşma imzalanan kimi Hörmüz boğazı da rəsmi şəkildə açılacaq. Bu, çox tez, çox yaxın vaxtda baş verə bilər. Ola bilsin ki, həftəsonu Avropada baş tutsun. Mən orada olmayacağam, amma vitse-prezident Cey Di Vens iştirak edəcək”, - deyə Tramp bildirib.

Oxşar xəbərlər

Tramp: İran razılaşma əldə etmək istəyir

Tramp: ABŞ yaxın vaxtlarda Kuba ilə razılaşma əldə edə bilər

Tramp İranla danışıqların yekun mərhələdə olduğunu bildirib

Tramp İranla razılaşma əldə olunacağı təqdirdə İslamabada səfər edəcəyini istisna etməyib

Tramp Rusiya və Ukrayna arasında üç günlük atəşkəs elan olunduğunu açıqlayıb