İran və ABŞ arasındakı saziş iyunun 18-19-da imzalana bilər.

"Sizinxeber.az" Fransa mediasına istinadən xəbər verir ki, bunu ABŞ Prezidenti Donald Tramp Fransanın Evian şəhərində keçirilən G7 ("Böyük yeddilik") sammitinin yekunlarına dair çıxışında bildirib.

Trampın sözlərinə görə, əgər Yaxın Şərq münaqişəsi üzrə danışıqların növbəti mərhələsi uğurlu olmasa, ABŞ İranı yenidən bombalamağa hazırdır.

"Əgər bu, 60 gün ərzində baş verməsə, heç nə olmaz, biz bombalamağa qayıdacağıq. Ola bilsin ki, bunu etmək məcburiyyətində qalaq, çünki biz onların nüvə silahı əldə etməsinə heç vaxt imkan verməyəcəyik", - o qeyd edib.

Trampın fikrincə, ABŞ-nin İranla hərbi əməliyyatları davam etdirməsi iqtisadi fəlakətlə nəticələnə bilər.

"Mən bir şeyi görmək istəməzdim - iqtisadi fəlakəti. Əgər siz bunu davam etdirsəydiniz, bu baş verə bilərdi... Onlara investisiyalar lazımdır, axı biz bir yarım, bəlkə də 2 trilyon dollar məbləğində ziyan vurmuşuq", - o vurğulayıb.

ABŞ Prezidenti bildirib ki, İranla anlaşma memorandumunun mətninin surəti İsrail tərəfinə verilib.

Oxşar xəbərlər

Hakan Fidan və İshaq Dar ABŞ ilə İran arasında imzalanacaq memorandumu müzakirə ediblər

Tramp: Əgər İran nüvə potensialını bərpa etməyə çalışsa, ABŞ geri qayıdacaq

Tramp: İranla saziş yaxın bir neçə saat ərzində imzalanacaq

Əgər İran razılaşmasa... - Tramp

Tramp: İranla atəşkəsin uzadılmasına ehtiyac olmaya bilər