Rəqib gücün və sürətin hesabına bizi üstələyib təzyiq altına salmışdı.

Bunu “Sizinxeber.az”a açıqlamasında Azərbaycanın 19 yaşadək futbolçulardan ibarət millisinin baş məşqçisi Elxan Abdullayev Belarusdakı təlim-məşq toplanışını dəyərləndirərkən deyib.

O, ilk oyundakı məğlubiyyətin səbəbini komandanın fiziki durumunun rəqibdən zəif olması ilə əlaqələndirib:

“İki fərqli qarşılaşma oldu. İlk matçda böyük hesabla uduzduq. Qeyd etmək üçün müsbət məqamlar yoxdur. Bunun səbəbləri var. Ən böyük səbəb odur ki, bizim uşaqlar Belarus millisinin üzvlərindən fiziki cəhətdən qat-qat zəif idilər. Rəqib gücün və sürətin hesabına rəqib bizi üstələyib təzyiq altına salmışdı. Komandamızı səhvlərə yol verməyə məcbur etdilər və bundan yararlandılar”.

Mütəxəssis komandanın ikinci oyunda xarakter göstərdiyini söyləyib:

“İkinci görüşə qədər rəqibi təhlil etməyə vaxtımız oldu. Bəzi dəyişikliklər həyata keçirdik. Komanda xarakter göstərdi. Əlbəttə, məşqçi kimi oyundan tam razı qalmadım. Düzdür, istək var idi, amma çatışmazlıqlar çoxdur. Hazırlaşırıq, bir aydan sonra bizi rəsmi oyunlar gözləyir. Moldovadan maksimum dərəcədə yaxşı nəticə ilə qayıtmağa çalışacağıq. Hər oyun uşaqlar üçün imtahandır”.

Qeyd edək ki, Azərbaycanın U-19 millisi Belarusdakı təlim-məşq toplanışı zamanı yerli komanda ilə iki yoldaşlıq görüşü keçirib. İlk oyunda rəqib 6:1 hesabı ilə qalib gəlibsə, ikinci matç heç-heçə (1:1) yekunlaşıb.

Oxşar xəbərlər

Azərbaycan millisinin baş məşqçisi: İspaniyada oynayan futbolçuları toplanışa dəvət edə bilmədik [xfgiven_updateblue][/xfgiven_updateblue]

Azərbaycan millisinin baş məşqçisi Çexiyadakı hazırlığı dəyərləndirib [xfgiven_updateblue][/xfgiven_updateblue]

Azərbaycan millisinin baş məşqçisi Çexiyadakı təlim-məşq toplanışını dəyərləndirib [xfgiven_updateblue][/xfgiven_updateblue]

Azərbaycan millisinin baş məşqçsi: Rusiya və Belarusa qarşı oynamaq böyük təcrübədir [xfgiven_updateblue][/xfgiven_updateblue]

Azərbaycanın U-18 millisinin baş məşqçisi: Komanda bir çox rəqiblərlə başabaş oynaya bilər [xfgiven_updateblue][/xfgiven_updateblue]