Azərbaycanda 12 yaşadək futbolçular arasında təşkil olunan "Ulduz Cup" beynəlxal turnirinə yekun vurulub.

"Sizinxeber.az"un Şimal bürosunun məlumatına görə, Gənclər və İdman Nazirliyi, AFFA və “Ulduz” Futbol Akademiyasının birgə təşkilatçılığı ilə keçirilən “Ulduz Cup” beynəlxalq futbol turnirinə sentyabrın 6-da yekun vurulub.

Quba şəhərində 12 yaşadək futbolçular arasında keçirilən turnirdə 5 ölkədən 8 komanda iki qrupda mübarizə aparıb. “A” qrupunda “Bunyodkor” (Özbəkistan), “Ulduz” FA, Şimali Kipr Türk Respublikasının yığma komandası və Quba OİK, “B” qrupunda isə “Dinamo Minsk” (Belarus), “Saburtalo” (Gürcüstan), “Qarabağ” və “Metak” qüvvəsini sınayıb.

Turnirin final matçında “Ulduz” Futbol Akademiyasının komandası “Dinamo” (Minsk, Belarus) kollektivi ilə üzləşib.

Rəqibinə 6:0 hesabı ilə qalib gələn “Dinamo” komandası beynəlxalq turnirin qalibi adını qazanıb.

Quba Olimpiya İdman Kompleksində reallaşan tədbirin mükafatlandırma mərasimində çıxış edənlər “Ulduz Cup” beynəlxalq turnirinin ölkədə uşaq futbolunun inkişafına dəstək olacağını bildiriblər.

Çıxışlardan sonra qalib komandaya kubok və medallar təqdim olunub.

Oxşar xəbərlər

"Qarabağ"ın U-16 komandası İtaliyada beynəlxalq turnirdə iştirak edəcək

Fernandu Santuş: Milliyə çağırılan heç bir futbolçu ulduz deyil, ulduz göydə olur

Həvəskarlar Liqasının qalibi müəyyənləşib

"Report"un "Füzuli" komandası Heydər Əliyevin xatirə turnirində bürünc medal qazanıb

Dövlət qurumları arasında basketbol üzrə respublika birincilyinin qalibi məlum olub