ABŞ “Hizbullah”la əlaqəli bir qrup Livan siyasətçisinə və təhlükəsizlik işçisinə qarşı sanksiya tətbiq etmək niyyətindədir.

Bu barədə Qətərin “əl-Cəzira” telekanalı Dövlət Departamentindəki mənbəyə istinadən məlumat yayıb.

"Hədəf alınanlar “Hizbullah”ın tərksilah edilməsi səylərinə mane olur və Livan dövlətinin ziyanına hərəkət edirlər", - mənbə bildirib.

Məlumata görə sanksiyalar səkkiz Livan vətəndaşını və bir İran diplomatına şamil olunub.

Bunlara parlament üzvləri Həsən Fədlallah, İbrahim əl-Musəvi və Hüseyn Həcc Həsən və sabiq nazir Məhəmməd Fneyş daxildir.

Siyahıda “Hizbullah”ın siyasi və hərbi müttəfiqi olan “Şiə Əməl” hərəkatının təhlükəsizlik xidmətinə rəhbərlik edən Əhməd Baalbeki də daxil olmaqla bir neçə təhlükəsizlik işçisi də var.

Oxşar xəbərlər

İsrail və Livan “Hizbullah”ın tərksilahında razılaşıb

“Hizbullah” informasiya xidmətinin rəhbərinin ölümünü təsdiqləyib

ABŞ hökuməti Livan Silahlı Qüvvələrinə 117 milyon dollar vəd edib

ABŞ "Hizbullah"la əlaqəli 5 şəxs və 3 şirkətə sanksiya tətbiq edib

KİV: "Hizbullah" qərargahını Beyrutdan köçürüb