Qəzzaya humanitar yardım aparan "Qlobal Sumud Donanması"nın üzvləri Türkiyəyə gətirilib.

"Sizinxeber.az" xəbər verir ki, bu barədə Türkiyə Xarici İşlər Nazirliyi (XİN) "X" sosial media hesabında məlumat yayıb.

Qeyd olunub ki, ümumilikdə 41 ölkədən 422 nəfər "Türk Hava Yolları" (THY) tərəfindən təşkil olunan xüsusi reyslə Türkiyəyə gətirilib. ONlardan 85-i Türkiyə vətəndaşı olub.

Onları hava limanında XİN başçısının müavini Ali Özel qarşılayıb.

"Ali Özel hər zaman və hər yerdə vətndaşlarımızın yanında olmağa qətiyyətlə davam edəcəyimizi vurğulayıb", - məlumatda qeyd olunub.

Daha əvvəl İsrail Hərbi Dəniz Qüvvələrinin aprelin 30-na keçən gecə Krit adası yaxınlığında "Qlobal Sumud Donanması"nın 58 gəmisindən 15-ni ələ keçirdiyi bildirilib.

Bundan sonra mayın 14-də Türkiyənin Marmaris şəhərindən Qəzzaya doğru yeni humanitar yardım donanması yola çıxıb. İsrail bu donanmaya da müdaxilə edərək iştirakçıları saxlayıb.

Oxşar xəbərlər

Türkiyə XİN: "Qlobal Sumud Donanması"na hücum dəniz quldurluğu aktıdır

XİN: "Qlobal Sumud Donanması"ndakı Türkiyə vətəndaşları ilə bağlı lazımi addımlar atılır

İsrail HDQ "Qlobal Sumud Donanması"nı ələ keçirməyə başlayıb

Fidanla ispaniyalı həmkarı arasında telefon danışığı olub

Türkiyə Yunanıstanı beynəlxalq sularda öhdəliyini yerinə yetirməməkdə günahlandırıb