Onlarla mütəmadi şəkildə görüşüb, problemlərini dinləyirik. Budəfəki toplantı da eyni qəbildən idi.

Bunu "Report"a açıqlamasında Peşəkar Futbol Liqasının (PFL) prezidenti vəzifəsini müvəqqəti icra edən Elgiz Abbasov Premyer Liqa və I Liqa klublarında çalışan azarkeşlərlə və əlil fanatlarla əlaqələndirici şəxslərlə görüş barədə danışarkən deyib.

PFL rəsmisi toplantıya AFFA, PFL və DİN əməkdaşlarının da qatıldığını bildirib:

"Bildiyiniz kimi, azarkeşlər futbolun əsas tərkib hissəsidir. Artıq klubların hər birində onlarla işləyən şəxslər fəaliyyət göstərir. Biz bu şəxslərə oyunöncəsi iclaslarda iştirak etmək imkanı da yaratmışıq. Səmərəli bir görüş alındığını düşünürəm. Belə toplantıların mütəmadi keçirilməsi nəzərdə tutulub".

Qeyd edək ki, görüşdə Klubların Lisenziyalaşdırılması Departamentinin əməkdaşları bir sıra mövzuları müzakirə ediblər. Bunlar ötən mövsüm ərzində baş vermiş hadisələr, cari mövsüm üçün planlar, Avropa Futbol Azarkeşləri təşkilatının klub nümayəndələrinə verdiyi tövsiyələr, azarkeşlərlə əlaqələndirici şəxs (SLO), təhlükəsizlik rəhbərləri və hüquq-mühafizə orqanları arasında koordinasiyadır. Bundan əlavə, 2024/2025 mövsümündə Azərbaycan Premyer Liqası, Azərbaycan Kuboku və I Liqa yarışlarının Əsasnaməsinə əlavə edilmiş “Azarkeşlərin davranış qaydaları”na dair bəndlər müzakirə olunub.

Oxşar xəbərlər

AFFA azarkeşlərlə əlaqələndirici şəxslər üçün seminar keçirib

Azərbaycan Premyer Liqası klublarının azarkeşlərlə əlaqələndirici şəxsləri üçün görüş keçirilib

Klublar Komitəsinin iclası keçirilib, AFFA-ya müraciət olunacaq

Premyer Liqa klubu Argentina millisinin üzvü ilə anlaşıb

“Şimal” klubunun prezidenti: II Liqada ilk 6-7 komanda arasında yer ala bilərik