Suriyanın şimal-qərbində həyata keçirilən hava zərbəsi nəticəsində İŞİD-in yüksək vəzifəli liderlərindən biri öldürülüb.

APA xəbər verir ki, bu barədə ABŞ Mərkəzi Komandanlığı (CENTCOM) “X” səhifəsində məlumat yayıb.

CENTCOM-un məlumatına görə, iyunun 19-da həyata keçirilən dəqiq hava əməliyyatı zamanı Əli Hüseyn əl-Üləvi məhv edilib.

Bildirilib ki, əməliyyat ABŞ-ın amerikalılara və ABŞ ərazisinə qarşı hücumlar planlaşdıran terrorçuların fəaliyyətinin pozulması və zərərsizləşdirilməsi istiqamətində davam edən səylərinin bir hissəsidir.

CENTCOM qeyd edib ki, ABŞ qüvvələri regiondakı tərəfdaşları ilə birlikdə İŞİD qalıqlarına qarşı əməliyyatları davam etdirir.

“CENTCOM və tərəfdaşlarımız İŞİD-in qalan elementlərini tamamilə aradan qaldıraraq təşkilatın davamlı məğlubiyyətini təmin etmək öhdəliyinə sadiqdir. Biz ABŞ ərazisini, hərbçilərimizi, eləcə də regiondakı müttəfiq və tərəfdaşlarımızı qorumağa davam edəcəyik”, – CENTCOM-un komandanı admiral Bred Kuper bildirib.

Oxşar xəbərlər

ABŞ Suriyada İŞİD liderini zərərsizləşdirib

Suriyada İŞİD lideri və iki oğlu öldürülüb

ABŞ Ordusunun Mərkəzi Komandanlığı Suriyada İŞİD-ə qarşı zərbələri təsdiqləyib

ABŞ Suriyada İŞİD-in yüksək rütbəli komandirini zərərsizləşdirib

ABŞ Hərbi Hava Qüvvələri Suriyada İŞİD-ə zərbələr endirib