Azərbaycan Premyer Liqasının IV turunda "Sabah" Masazırda "Sumqayıt"ı qəbul edib.

“Report” xəbər verir ki, görüş meydan sahiblərinin 3:1 hesablı qələbəsi ilə yekunlaşıb.

Görüşün 12-ci dəqiqəsində “Sumqayıt” komandası Fernando Da Silvanın qolu ilə hesabı açıb. Ancaq sumqayıtlılar üstünlüyü sona qədər qoruyub saxlaya bilməyib. İlk hissənin bitməsinə 2 dəqiqə qalmış “Sabah”dan Namik Ələskərov hesabı bərabərləşdirməyə nail olub. 54-cü dəqiqədə Pavol Safranko “Sabah”ı hesabda önə çıxarmağı bacarıb. 77-ci dəqiqədə Bakı klubundan Cesse Sekidika fərqi 2 topa çatdırmaqla son nəticəni müəyyənləşdirib.

Qeyd edək ki, tura bu gün keçiriləcək “Zirə” - “Şamaxı” matçı ilə yekun vurulacaq.

Oxşar xəbərlər

"Sumqayıt" Azərbaycan Premyer Liqasında mövsümə qələbə ilə başlayıb

Azərbaycan Premyer Liqası: "Sabah" - "Şamaxı" matçında qalib müəyyənləşməyib

Azərbaycan Premyer Liqasında XXXII tura start verilib 

Azərbaycan Premyer Liqasında II tura yekun vurulub 

Azərbaycan Premyer Liqası: I turun son matçında "Zirə" qələbə qazanıb