Azərbaycan hökuməti işğaldan azad edilmiş ərazilərin bərpasına böyük həcmdə investisiyalar yatırır.

"Sizinxeber.az" xəbər verir ki, bunu iqtisadiyyat naziri Mikayıl Cabbarov İslam İnkişaf Bankı (İsDB) Qrupunun 51-ci İllik Toplantıları çərçivəsində "Azərbaycan ev sahibi və əlaqələndirici kimi: yaşıl transformasiya, regional inteqrasiya və strateji tərəfdaşlıq" mövzusunda Müdirlər Şurasının sədri ilə dialoq sessiyasında deyib.

Onun sözlərinə görə, dövlətin azad edilmiş ərazilərlə bağlı birbaşa maliyyə öhdəlikləri ölkənin ümumi daxili məhsulunun təxminən 3 %-i həcmindədir: "Bu investisiyalar ölkənin digər inkişaf proqramlarının maliyyələşdirilməsinə mənfi təsir göstərmədən həyata keçirilir".

M. Cabbarov əlavə edib ki, Azərbaycanın strateji valyuta ehtiyatları ümumi daxili məhsulun həcmindən çoxdur: "Məhz bu ehtiyatlar dövlətə genişmiqyaslı infrastruktur layihələrini və işğaldan azad edilmiş ərazilərin bərpasını maliyyələşdirməyə imkan verib".

Oxşar xəbərlər

Mikayıl Cabbarov: "Mədən sənayesi azad edilmiş bölgələrdə aparıcı istiqamətə çevrilir"

Mikayıl Cabbarov: "İsDB ilə əməkdaşlıq Azərbaycanın inkişafında mühüm rol oynayıb"

Nazir: "İsDB Azərbaycan üçün təkcə maliyyə deyil, həm də strateji tərəfdaşdır"

Nazir: "Sənayeləşmə və yüksək əlavə dəyərli xidmətlər iqtisadiyyatın hərəkətverici qüvvəsi olacaq"

Mikayıl Cabbarov: Azad edilmiş ərazilərin 80%-dən çoxu mineral resurslarla zəngindir