İngiltərə millisinin sabiq futbolçusu Devid Bekhem əməliyyat olunub.

“Report”un “The Sun”a istinadən məlumatına görə, buna onun 22 il əvvəl milli komandada oynayarkən aldığı zədə səbəb olub.

D.Bekhem 2003-cü ildə CAR yığması ilə yoldaşlıq görüşü zamanı biləyindən zədələnib. Həmin vaxt onun biləyinə bir vint qoyulub və bunun bir müddət sonra əriməsi nəzərdə tutulub.

Amma bu baş verməyib. 50 yaşlı sabiq yarımmüdafiəçi biləyindəki ağrılarla yaşayıb.

Qeyd edək ki, Devid Bekhem “Mançester Yunayted”, “Real”, “Milan”, PSJ və “LA Galaxy” klublarında çıxış edib. İngiltərə millisinin heyətində 115 matça çıxan sabiq futbolçu hazırda MLS təmsilçisi “İnter Mayami"nin prezidentidir.

Oxşar xəbərlər

Devid Bekhem Mayamidə 80 milyon dollara malikanə alacaq

Devid Bekhem “Cəngavər” fəxri adına sahib olacaq

İspaniya millisinin sabiq futbolçusu karyerasını bitirib

"Mançester Yunayted"də çıxış etmiş Portuqaliya millisinin sabiq futbolçusu karyerasını başa vurub

İtaliya millisinin sabiq futbolçusu yığmaya məşqçi təyin olunub