Rusiyalı UFC çempionu İslam Maxaçev yarımorta çəki dərəcəsindəki titulunu irlandiyalı İan Qerriyə qarşı müdafiə edəcək.

Sizinxeber.az xəbər verir ki, bu barədə UFC-nin mətbuat xidməti məlumat yayıb.

Döyüş avqustun 16-na keçən gecə ABŞ-ın Pensilvaniya ştatının Filadelfiya şəhərində keçiriləcək UFC 330 turnirinin əsas qarşılaşması olacaq.

34 yaşlı İslam Maxaçevin qarışıq döyüş növlərində (MMA) aktivində 28 qələbə və 1 məğlubiyyət var. O, 2025-ci ildə UFC tarixində iki fərqli çəki dərəcəsində çempionluq qazanan ilk rusiyalı döyüşçü olub.

Maxaçev 2022-ci ilin oktyabrından sahib olduğu yüngül çəki kəmərini dörd dəfə uğurla müdafiə etdikdən sonra yarımorta çəkiyə yüksəlib. O, 2025-ci ilin noyabrında avstraliyalı Cek Della Maddalenanı hakimlərin yekdil qərarı ilə məğlub edərək bu çəki dərəcəsində UFC çempionu adına yiyələnib.

Oxşar xəbərlər

Alvares boks üzrə üç dünya çempionu titulunu qoruyub

"UFC Fight Night Baku" turnirinin bütün döyüşləri bəlli olub

Aleksandr Volkanovski UFC çempionluq kəmərini qaytarıb

Keçmiş UFC çempionu Makqreqor 2021-ci ildən bəri ilk dəfə fevral ayında döyüşəcək

Boksçu Saul Alvares mütləq dünya çempionu titulunu geri qaytarıb