Şabranda 25 yaşlı şəxsdə xeyli sayda silah-sursat aşkarlanıb.

APA DİN-ə istinadən xəbər verir ki, Şabran Rayon Polis Şöbəsinin əməkdaşları tərəfindən keçirilən tədbirlərlə rayon sakini
Qubad İslamov saxlanılıb. Onun yaşadığı evə baxış zamanı 1 ədəd pnevmatik tapança, 1 ədəd qumbara, 130 ədəd patron, 9 ədəd bıçaq, patron doldurucu, 2 ədəd plastik qabda qırma, gözyaşardıcı qumbaraya aid 48 ədəd sarı kütlə, 3 ədəd portativ qızdırıcı şam aşkarlanaraq götürülüb.

Həmçinin, polis əməkdaşları xidmətlə olarkən yol kənarından 1 ədəd avtomat silah, 1 ədəd patron darağı və 20 ədəd patron aşkar ediblər.

Faktlarla bağlı araşdırmalar davam etdirilir.

Oxşar xəbərlər

Azad olunmuş ərazilərdə xeyli silah-sursat aşkarlanıb

İşğaldan azad olunmuş torpaqlarda xeyli sayda silah-sursat aşkar olunub