Afrika İttifaqı və Azərbaycan əməkdaşlığın genişləndirilməsi məqsədilə birgə sammitin keçirilməsini müzakirə ediblər.

"Report" xəbər verir ki, bu barədə Afrika İttifaqı Komissiyasının sədri Mahmud Əli Yusuf və Azərbaycanın Efiopiyadakı səfiri, Afrika İttifaqı yanında daimi nümayəndəsi Ruslan Nəsibovun görüşünün yekunları üzrə Afrika İttifaqının "X" sosial şəbəkəsindəki bəyanatında bildirilib.

"Tərəflər Afrika İttifaqı və Azərbaycan arasında əlaqələrin möhkəmləndirilməsini, o cümlədən əməkdaşlığın genişləndirilməsi üçün Afrika İttifaqı və Azərbaycan sammitinin keçirilməsi perspektivini müzakirə ediblər", - məlumatda qeyd olunub.

Danışıqlar zamanı həmçinin dövlət qulluğu və dövlət sektorunda islahatlar sahəsində əməkdaşlıq perspektivləri müzakirə edilib. Təcrübə, qabaqcıl metodların mübadiləsinə və institusional potensialın artırılmasına xüsusi diqqət yetirilib.

Bundan əlavə, tərəflər aktual beynəlxalq məsələlər, o cümlədən Yaxın Şərqdəki vəziyyət və Rusiya-Ukrayna münaqişəsi üzrə fikir mübadiləsi aparıb, dialoqun, diplomatiyanın və mübahisələrin sülh yolu ilə nizamlanmasının vacibliyini vurğulayıblar.

The Chairperson of the African Union (AU) Commission, H.E. Mahmoud Ali Youssouf, received H.E. Ruslan Nasibov, Ambassador of the Republic of #Azerbaijan to Ethiopia & Permanent Representative to the AU.

They discussed strengthening AU–Azerbaijan relations, including the… pic.twitter.com/KFyIAaHuEk

— African Union (@_AfricanUnion) June 23, 2026

Oxşar xəbərlər

Afrika İttifaqı Komissiyasının sədri Azərbaycana səfərə gəlib

Afrika İttifaqı yaraqlıların Malinin paytaxtına və bölgələrinə hücumlarını pisləyib

KİV: Tramp gələn həftə Afrika liderləri ilə sammit keçirəcək

Azərbaycan XİN Afrika Günü ilə bağlı paylaşım edib

Cibutinin xarici işlər naziri Afrika İttifaqının rəhbəri seçilib