Bu gün səhər saatlarında intihara cəhd hadisəsi olub.

Bu barədə Sizinxeber.az-ya FHN-in Mətbuat Xidmətindən məlumat verilib.

Bildirilib ki, bir nəfər vətəndaş Bakı şəhəri, Nərimanov rayonu, İsmayıl Hidayətzadə küçəsində yerləşən mənzilində intihara cəhd edib.

Bu barədə vətəndaşın yaxınları Fövqəladə Hallar Nazirliyinin “112” qaynar telefon xəttinə məlumat veriblər.

Əraziyə dərhal FHN-in Xüsusi Riskli Xilasetmə Xidmətinin xilasediciləri cəlb olunub.

Xilasedicilər tərəfindən əməliyyat şəraiti qiymətləndirilərkən müəyyən olunub ki, 2000-ci il təvəllüdlü vətəndaş yaşadığı mənzildə intihara cəhd edib.

Xilasedicilərin çevik müdaxiləsi sayəsində xüsusi vasitələrin köməyi ilə doqquzmərtəbəli yaşayış binasının 1-ci mərtəbəsində yerləşən mənzilin qapısı açılmış və özünə müxtəlif bədən xəsarətləri yetirərək intihara cəhd etmiş vətəndaş mənzildə huşsuz vəziyyətdə aşkar olunaraq təcili tibbi yardım briqadasına təhvil verilib.

Oxşar xəbərlər

Xırdalanda intihara cəhdin qarşısı alınıb - VİDEO

FHN-in xilasediciləri Xırdalanda intihar hadisəsinin qarşısını alıb - FOTO

Bakıda intihar hadisəsinin qarşısı alınıb - VİDEO

FHN: Nəsimi rayonunda 1 nəfər intihara cəhd edib

Bakı sakini ülgüclə intihara cəhd edib